صور .. فن صناعة القش!!

سجل فى : 28/01/2008

فن صناعة القـــــش!!
-----

صور .. فن صناعة القش!! Xinsrc_2cb954c07b954b35af84cd69f3151d03

صور .. فن صناعة القش!! Xinsrc_2cd80e5ebfb340bf917679271b5fa211

صور .. فن صناعة القش!! Xinsrc_07ea01a19e7d41e3910893b4afd8a90a

صور .. فن صناعة القش!! Xinsrc_7f30f384f6dd40b098fa118ced72886b

صور .. فن صناعة القش!! Xinsrc_83a629440cda47cbbb1a5b30d8866880

صور .. فن صناعة القش!! Xinsrc_05895880a2a04acc87f6a2aa3d4f4971

صور .. فن صناعة القش!! Xinsrc_59413048cf104a3a8c0df6e59dab952e

شوف الناس بتستغل القش إزاي؟!! مش احنا اللي بنولع فيه ونعمل بيه سحابة سودة تخنقنا وتجيب أجلنا!!

{.... توقيع admin ....}

سجل فى : 15/03/2008

روعه

بس ياريت تقول لنا البلد ايه؟

مع التحية

{.... توقيع aya ....}

سجل فى : 10/02/2008

ليه كده بس يامستر000000ما اهو احنا كمان بنستغل القش خبث

هو انت عمرك ما اشتريت خس ولا جرجير000ما هو ده استغلال للقش
مش بتلاقيهم مربوطين بقش برضو0
وكمان بيعملوه احبال طوييييييييييييييييييييييييله(الا الاحبال دى بيعملو بيها ايه ) تعجب

يعنى احنا كمان بنستغله000000000 بس كل واحد وعلامه بقى0 مقلب

{.... توقيع lina ....}

سجل فى : 28/01/2008

aya كتب:: روعه

بس ياريت تقول لنا البلد ايه؟

هو أنا مش متأكد على وجه الدقة البلد ايه بالظبط

كل اللي أنا واثق منه انها بلد من شرق آسيا

بتاعة الناس اللي كلهم شبه بعض دول .. وقصيرين مش باينين من الأرض .. وعنيهم ضيقة

ولو ركزتي شوية في الصور هتلاقي كلام بالصيني أو الياباني منعكس على الزجاج الموضوعه فيه تماثيل القش (على فكرة الشخص اللي كان بيصور صورته هو كمان معكوسة على الزجاج .. ههههه)

عموماً أنا إحساسي انها الصين .. هتسأليني إشمعنى .. أقولك يا ستي .. على حسب معلوماتي الضعيفة جداً في الدراسات الاجتماعية اقدر أقولك ان الأرض في اليابان بركانية يعني ميتهيأليش ان الزراعة عندهم نشاط اقتصادي واخد حقه .. لكن إقتصادهم كله قايم على الصناعة

أما الصين فمن أكبر الدول زراعة للأرز .. والقش بيجي منين ؟!!

طبعاً من الأرز .. يبقى غالباً متحف القش ده موجود في الصين

حلو الشرح ده ؟؟؟

يغمز

{.... توقيع admin ....}

سجل فى : 28/01/2008

lina كتب:: ليه كده بس يامستر000000ما اهو احنا كمان بنستغل القش
هو انت عمرك ما اشتريت خس ولا جرجير000ما هو ده استغلال للقش
مش بتلاقيهم مربوطين بقش برضو0

عندك حق يا lina تصوري مكنتش واخد بالي من موضوع الفجل والجرجير ده

فعلاً احنا هايلين في استغلالنا للقش

lina كتب:: وكمان بيعملوه احبال طوييييييييييييييييييييييييله(الا الاحبال دى بيعملو بيها ايه )
يعنى احنا كمان بنستغله000000000 بس كل واحد وعلامه بقى0

شوفي يا ستي حبل القش الطويل عندنا فى ريف دمياط بنقول عليه (لوايه) ايوه (لوايه) .. بس أكيد اسمه بيختلف من مكان للتاني

مهمة اللواية بقى ربط القش أو الحطب أو أعواد الذره وخلافه من الغيط إلى البيت حتى يتم استخدام هذه الأشياء كوقود لـ (الكانون) بالكاف وليست بالقاف .. والكانون لمعلوماتك هو زي ما تقولي كده بوتاجاز بدائي

كمان كان القش والحطب وخلافه يوضع فوق أسطح المنازل لحمايتها من المطر في فصل الشتا

لكن كل ذلك أصبح تاريخ من الماضي

فالريف شيئاً فشيئاً تحول من الكانون إلى وابور الجاز الدي صار من الماضي أيضاً والآن يستعمل أحدث موديلات البوتاجازات أم 6 شعلة وإشعال ذاتي وخلافه

كذلك عرفت بيوتنا الطوب الأحمر وأسقفها أصبحت خرسانية .. ولم نعد بحاجة للقش والحطب وبالتالي لم نعد بحاجة لـ (اللوايه) أقصد لحبال القش الطويلة (على حد قولك)

حلو الشرح ده ؟!!

طيب هاتي ربع جنيه بقى

ضحك

{.... توقيع admin ....}

سجل فى : 15/03/2008

admin كتب:

aya كتب:: روعه

بس ياريت تقول لنا البلد ايه؟

هو أنا مش متأكد على وجه الدقة البلد ايه بالظبط

كل اللي أنا واثق منه انها بلد من شرق آسيا

بتاعة الناس اللي كلهم شبه بعض دول .. وقصيرين مش باينين من الأرض .. وعنيهم ضيقة

ولو ركزتي شوية في الصور هتلاقي كلام بالصيني أو الياباني منعكس على الزجاج الموضوعه فيه تماثيل القش (على فكرة الشخص اللي كان بيصور صورته هو كمان معكوسة على الزجاج .. ههههه)

عموماً أنا إحساسي انها الصين .. هتسأليني إشمعنى .. أقولك يا ستي .. على حسب معلوماتي الضعيفة جداً في الدراسات الاجتماعية اقدر أقولك ان الأرض في اليابان بركانية يعني ميتهيأليش ان الزراعة عندهم نشاط اقتصادي واخد حقه .. لكن إقتصادهم كله قايم على الصناعة

أما الصين فمن أكبر الدول زراعة للأرز .. والقش بيجي منين ؟!!

طبعاً من الأرز .. يبقى غالباً متحف القش ده موجود في الصين

حلو الشرح ده ؟؟؟

يغمز

الا حلو ؟ هو في احلي من كدة
ايه دة بس موسوعه ماشية علي رجلها(اللهم لا حسد -- كان في ارنب وهرب ضحك

)
لا بجد عجبني جدا دقة ملاحظتك وتحليلك للموضوع تصفيق

وبالاضافة لكلامك كمان التماثيل القشية شكلها يدي علي الناس دي والادوات بتدل علي ثقافتهم
وكمان الكلمات المعكوسة بالزجاج الكتابه عرضية(افقي ) وليس طولية(رأسي) منما يؤكد كلامك بانها الصين لان اليابان لغتها تكتب بطريقة طولية (راسي)
برافو يافندم
جنابك بتثبت كل يوم مدي افتكاسك بافكارك إعجاب

ربنا يخليك لينا ولا يرحمنا من افتكاسك ابدا دُعاء

{.... توقيع aya ....}

سجل فى : 28/01/2008

aya كتب:: الا حلو ؟ هو في احلي من كدة
ايه دة بس موسوعه ماشية علي رجلها(اللهم لا حسد -- كان في ارنب وهرب )

لأ بجد بقى انتي اللي طلعتي موسوعة ماشية على رجليها

صحيح احنا اتفقنا فى نفس الرأي وهو ان المتحف القشي ده موجود في الصين

لكن بصراحة معلوماتك كانت اغزر من معلوماتي

كمان تحليلك كان منطقي أكثر من تحليلي

علشان كده المفروض تاخدي لقب مثقفة النادي الأولى

ونعطيكي وسام النادي من الطبقة الأولى

ونرش عليكي رشة فلوس حلوة كده (آه بس لما أقبض مكافأة الامتحانات الأول)

عموماً أنا بقول المفرووووووووووووض

ضحك

ألا صحيح هو انتوا لقيتوا الأرنب اللي هرب منكم وللا لسه

أصلي بصراحة نفسي في ملوخية بالأرانب

مثقف

{.... توقيع admin ....}

سجل فى : 03/09/2010

وهناك استخدام جديد للقش وهو عمل السحابه السوداء عن طريق حرقه بيجعل السماء شكلها هايل ايه رأيكم؟

{.... توقيع journalist ....}

سجل فى : 16/04/2010

ما أجمل هذا الحوار الشيق بين الجميع .. وإن كان ينقصه بعض الغائبات مثل الزميلات " أية " و " لينا " و " أريج الزهر " واللاتى لم يعدن يظهرن منذ فترة ولعل أن يكون المانع خيراً .. أما بخصوص القش كما ذكرتم فنحن نستخدمه أسوأ استخدام كحرقه كما ذكرتم رغم هذه الصور المبدعة التى رأيناها وكأنها لوحات فى متحف رسمت بأيدى رسام مبدع ,, فشتان الفارق !!

وتقبلو مرورى .

{.... توقيع صرير القلم ....}

سجل فى : 03/09/2010

الاستاذ صرير القلم ذكرنى بالزميلات الائى لهن صولات وجولات بالمنتدى اين هن ؟ فعلا ً لقد افتقدهم المنتدى وبالتالى نحن نتمنى ان يعودوا سريعا بمساهماتهن البناءه فقد طال غيابهن واخص بالذكر[size=24]lor=yellow] كيكيا ولينا وآيه واريج الزهروكذلك نيمو وعصفور الجنه /size]

{.... توقيع journalist ....}

سجل فى : 16/04/2010

ندعو الله أن يعيدهن للمنتدى مرة أخرى لمساهماتهن الفعالة بالمنتدى .

{.... توقيع صرير القلم ....}